सातपुडा साहित्य मंच..

>तपुडा साहित्य मंच आयोजित साहित्य निर्मितीसाठी प्रेरणा व मार्गदर्शन मिळावे करिता लेखन उपक्रम *विषय- विठूची वारी (अभंग) शीर्षक:- माझे माहेर पंढरी चला पंढरीला।। विठ्ठलाला पाहु॥ भक्तीभाव वाहु॥ पांडुरंगा॥१॥ आषाढी कार्तिकी॥ भक्त होई गोळा॥ रम्य तो सोहळा॥ पंढरीत ॥२॥ चंद्रभागे तीरी॥ भेटे वारकरी॥ किती टाळकरी॥ दिसे तिथे॥३॥ वैष्णवांचा मेळा॥ आगळा वेगळा॥ सुखावला डोळा॥ पाहुनिया॥४॥ युगे अठ्ठावीस ॥ उभे विटेवरी॥ कर कटावरी॥ पांडुरंग ॥५॥ तुळशीचा हार॥ गळ्यात शोभतो॥ विठ्ठल हासतो॥ भक्तापुढे॥६॥ हाती टाळ विणा ॥ मुखात अभंग॥ भजनात दंग॥ वारकरी॥७॥ हर एक वर्षी ॥ पंढरीला जावे॥ मुख ते बघावे॥ श्रीहरीचे॥॥८॥ पाहुनिया सारे॥ वाटे मोहनाला॥ जावे दर्शनाला॥ पंढरीला॥९॥ ||रामकृष्ण हरी|| मोहन सोमलकर नागपूर 🙏

लळा जिव्हाळा(हायकू काव्य)

 

लळा

लळा जिव्हाळा 

लाविला दहा वेळा 

जीव ओतिला! 

मन जुळले 

प्रेम मला कळले 

मनी फुलले! 

जशी फुलावी

देठावर ती कळी 

छान पाकळी! 

तशी प्रितीची 

फुले ती बहरली 

मनी रुजली..!

मोहन सोमलकर नागपूर