अभंग ( आई)

 

जन्मदात्री आई॥  जगात आणले॥

पाऊल ठेविले॥ जन्मुनमी॥१॥

नाळ नात्यातील ॥ तुझी जुळलेली॥

तु कधी कळली ॥ पाडसाला॥२॥

वात्सल्य जिव्हाळा॥ तुझा कळकळा॥

सोसला उन्हाळा॥ आईतुच ॥३॥

डोळ्यात दिसावे॥ प्रेमाचे बघावे॥

मायाळु देखावे ॥ आईतुझ्या ॥४॥

कधी ना रागवे ॥ मनात जागवे॥

शिखर गाठावे॥ तुझ्यामुळे॥५॥

श्वासांचा सहारा॥ रात्रीचा पहारा॥

प्रितीचा फवारा ॥ तुझा होता॥६॥

रागावले तुला॥ शांतच राहिली॥

मौनपणे दिली॥ कबुली तु॥७॥

मोहन सोमलकर नागपुर