वेदना

 

My gallery 

एक दिवस असाही ( लेख)

आपले घर स्वतःचे झोपडी का असेना ,तो आपल्याला सदा राजवाड्यागतच वाटत असतो. त्या घरात थोडी सुखसोयीची कमतरताही असली तरी त्यात आपण रोज सहज तडजोड करित असतो. आणि तडजोड ही यशस्वी जीवनाची गुरुकिल्ली आहे.

शशांक एक मध्यमवर्गीय व्यक्ती होता. एक मुलगी, बायको आणि तो  ..! एवढेच त्याचे कुटुंब मर्यादित..! तसे त्याचे संयुक्त कुटुंब होते.
एका भावाकडे आईवडील राहायचे व बाकी भाऊ वेगवेगळे राहायचे. पण कार्यक्रम प्रसंगी एकत्र येऊन गुण्यागोविंदाने राहायचे.

शशांक ऑफीस मधुन रोज आला की, आपल्याच दिवाणखान्यात फ्रेश होऊन येऊन बसायचा.आपल्या आवडत्या सोफ्याच्या खुर्चीवर.!
बायको रेवती मग थंडगार पाणी प्यालात घेऊन यायची,त्याने तो घसा ओला करुन सुटकेचा श्वास घ्यायचा.

त्यांची पत्नी आणि मुलगी जीव की प्राण होती. दोन पैकी एक घरी नसली की ,तो उदास व्हायचा...!

म्हणुनच रेवती कधीच शशांकला सोडून माहेरी गेली नाही...!

पण एकदिवस रेवतीच्या वडिलांना मायनर हार्ट अ‍ॅटॅक आला , हा ऑफिसात ,आणि रेवती बिचारी मुलीला घेऊन धावपळीत जी बस मिळेल त्या बसने माहेरी पोहचली..!

शशांक ऑफीसमधून सतत रेवतीसोबत फोन वर होता. पोहचली काय म्हणुन...!  बाबांची तबियत कशी आहे हे विचारासाठी..!

रेवती दोन तासांनी माहेरी पोहचली, बाबांना भेटली ,बिलगुन रडु लागली...! बाबा ठीक होते हसत होते मुलीला पाहुन...!

शशांक बिचारा रात्री ऑफीसमधून आला , फ्रेश झाला व एक ग्लास पिऊन  न जेवता झोपी गेला, कारण त्याला विचारपूस करायला त्याची पत्नी व मुलगी घरी  नव्हती...!

एक दिवस असाही..!

मोहन सोमलकर
नागपुर

झलक ......माधुरी दिक्षित या अभिनेत्रीची

 

चित्रपटसृष्टीत नव्याने पदार्पण करणारी ती चित्रतारका होती. तिचा पहिला चित्रपट होता" अबोध " तो तेवढा चालला नाही. पण त्या नंतरच्या चित्रपटात तिने घवघवीत यश संपादन केले.

अनिल कपुर व माधुरी दीक्षितची जोडी कितीतरी चित्रपटात कायम राहिली. अनिल कपुर व माधुरी दिक्षित स्टारर लिडींग रोल मध्ये खुप तो चित्रपट गाजला. तो चित्रपट होता " तेजाब" रातोरात ,"माधुरी " श्रीदेवीला मागे टाकुन स्टार झाली. तिची ती गाण्यातली स्टेजवर कंबर लटकवत आलेली....! झलक पाहण्यासाठी प्रत्येक शो ला लोकांची गर्दी उसळली होती.

तेजाब चित्रपटातील ते गाणे...... एक,दोन, तीन, चार पाच छे,  सात ,आठ ,नऊ, दस ,ग्यारह, बारा, तेरा ....! तेरा करो गिण गिन के एक बार....! डिंग डांग डिंग  डिंग डांग डिंग डिंग की राजा ....! या गाण्यावर लोक सिनेमागृहात अक्षरश: नोटांची बरसात पडद्यावर करित होते.

या गाण्यामुळे आणि तिच्या अदाकारीमुळे लोक माधुरी दिक्षित चे दिवाने झाले.

मग त्या चित्रपटानंतर तिने मागे वळुन पाहिले नाही. प्रत्येक हिरो सोबत तिला रोल मिळु लागले, तिचे मानधनही वाढले.

त्या काळातील अनिल कपुर,जॅकी श्रॉफ,  मिथुन चक्रवर्ती,  आमिर खान, सॅफी अली खान, सलमान खान,  गोविंदा, शाहरुख खान, संजय दत्त, ऋषीकपुर, विनोद खन्ना, अमिताभ बच्चन अशा  अनेक सुपरस्टार्स सोबत तिने बरोबरीचे रोल केले. अनिल कपुर, माधुरी दीक्षित, जॅकी श्रॉफ ची जोडी तर कायम टिकुन राहिली.

अनिल कपूर  सोबत, तेजाब, रामलखन,  खेल, जिन्दगी एक जुआ,  इत्यादी अनेक चित्रपटात काम केले. तर जॅकी श्रॉफ सोबत खलनायक, रामलखन व बरचश्या चित्रपटात काम केले. सलमान खान सोबत हम आप के कोन, हम साथ साथ है अशा अनेक चित्रपटात काम केले. मृत्युदंड, संगीत, प्रतिज्ञा  सारख्या व चित्रकार मकबूल फिदा हुसेन ने माधुरी दीक्षित वर प्रभावित होऊन काढलेल्या " गजगामिनी" अशा प्रकारच्या स्त्री प्रधान चित्रपटात तिने ताकदीने आपल्या अदाकारीला लोहा मानुन प्रेक्षकांसमोर स्वतःला प्रस्तुत केले व अजुनही काही टि. व्ही शोज मध्ये जज च्या रुपात येऊन
वयाची पन्नासी गाठल्यावरही आमची माधुरीमॅम दिक्षित प्रत्येक प्रेक्षकांच्या मनात आजन्म घर करुन आपली झलक कलाकारीची बसवुन आहे.

माधुरी दीक्षित मॅम चा चेहरा बघुन, तिचे ते लाजणे, हासणे बघुन तर चित्रपट समिक्षक व चित्रपट चाहते तिला दुसरी मधुबालाच म्हणायचे.

हुबेहुब ती मधुबालाच वाटायची. अश्या या सोज्वळ झलक दाखविणार्या महाराष्ट्रीयन अभिनेत्रीला माझा मानाचा मुजरा...!

मोहन सोमलकर